Албанскиот премиер Еди Рама стана жешка тема на социјалните мрежи откако видливо покажа непријатност за време на говорот на Володимир Зеленски, одржан преку видеоконференција на 25 ноември, објавија странските медиуми.
Во видео објавено од самиот Зеленски, Рама ја држеше главата во рацете поголемиот дел од говорот, а кон крајот на говорот накратко ја спушти раката, но потоа ја спушти главата за да не му се види лицето. Сцената веднаш предизвика бројни реакции и толкувања на социјалните мрежи и во медиумите.
Средбата се одржа во рамките на „коалицијата на добронамерните“, група од 33 земји формирана во март 2025 година со цел координирање и зајакнување на поддршката за Украина.
Италијанскиот експерт Алесандро Орсини, директор на Центарот за меѓународни безбедносни студии на Универзитетот Луис во Рим, оцени дека овој состанок во суштина бил посветен на условите за предавање на Украина.
Тој оцени дека Европа „влезе во рингот со Русија, но претрпе пораз“ во украинскиот конфликт и дека сега се обидува да ја „спаси ситуацијата“ со промена на планот за решение во своја корист.
Според Орсини, токму овој контекст ја прави реакцијата на Еди Рама уште повпечатлива за набљудувачите ширум светот.