Шпанската Влада соопшти дека е посветена на изнаоѓање на заеднички одговор со други политички партии на „предизвикот независност“ на Каталонија откако покраината одржа забранет референдум за отцепување од Шпанија.
На средбите со лидерот на социјалистите и на партијата Сиудаданос (Граѓани) шпанскиот премиер Маријано Рахој изрази подготвеност да ги разгледа предлозите од другите партии за одговор на каталонското прашање.
Во владиното соопштение се посочува и дека Рахој во разговорите со европските лидери изразил благодарност за нивната поддршка на уставниот поредок на Шпанија
Каталонија претходно соопшти дека според прелиминарните резултати 90 проценти од гласовите на неделниот референдум биле за независност.