Рускиот претседател Владимир Путин во разговор со официјални лица, емитуван на државните ТВ канали, се осврна на финансиското влијание на западните санкции, тврдејќи дека ќе го ублажи со продажба на гас на неговите источни соседи.
Тој рече дека „Русија ќе развие економски врски со земјите од Азија, Африка и Латинска Америка“ откако западните земји воведоа строги финансиски и економски санкции кон Русија поради инвазијата на Украина на крајот на февруари оваа година. Во разговор со официјални лица, Путин рече дека БДП на Русија оваа година ќе падне за околу 2,5%.
„Ќе ги отстраниме ограничувањата во логистиката и финансиите. Ве потсетувам дека со воведувањето санкции, западните земји сакаа да ја турнат Русија на периферијата на светскиот развој, но никогаш нема да тргнеме по патот на самоизолација“, рече Путин, а потоа додаде : „Напротив, ја прошируваме и ќе ја прошириме соработката со сите што се заинтересирани за неа.