Рускиот претседател Владимир Путин изјави дека украинскиот конфликт може да се заврши само со елиминирање на неговите корени и воспоставување рамнотежа на моќта во безбедносната сфера.
Путин го нагласи ова во своето обраќање на самитот на Шангајската организација за соработка (ШОС) во кинескиот град Тјанџин, објави Телеграм каналот на Кремљ.
„Високо ги цениме напорите и предлозите на Кина, Индија и нашите други стратешки партнери насочени кон олеснување на решавањето на украинската криза“, рече Путин.
Шефот на државата потсети дека патот за решавање на конфликтот беше отворен и со неодамнешниот самит со американскиот претседател Доналд Трамп во Алјаска.
Според него, причините за кризата лежат во постојаните обиди на западните земји да ја вовлечат Украина во НАТО, како и во државниот удар во Киев, за кој Москва смета дека е поттикнат од западните сили.
Претходно, портпаролот на Кремљ, Дмитриј Песков, изјави дека курсот на непопустливост што го води украинската страна е „голема грешка“ што не може да му донесе ништо добро на Киев, туку само да ја влоши неговата позиција.
Украинскиот претседател Володимир Зеленски постојано најавува одржување состаноци за Украина на ниво на светски лидери.