Рускиот претседател Владимир Путин присуствуваше на свеченоста по повод државниот празник Денот на Русија, во спомен на 12 јуни 1990 година, кога е прогласена Декларација за државен суверенитет на Руската Федерација.
Ова е прв јавен настап на Путин откако објави воведување рестриктивни мерки во земјата поради спречување на ширењето на новиот коронавирус пред повеќе од два месеца.
Тој присуствуваше на подигнувањето на државното знаме во меморијалниот парк во Москва, а потоа и на свеченото врачување признанија. Тој не носеше заштитна маска, како ни повеќето добитници на наградата „Херој на Русија“, на кои претседателот им ги врачи признанијата.
Путин зборуваше за „илјада години историска голема слава и гордост, храброста на предците и нивната љубов кон земјата“.
Во својот говор посебно ги поздрави здравствените работници, заблагодарувајќи им се на нивната храброст и пожртвуваност.
67-годишниот руски претседател последен пат е виден во јавност во март, кога присуствуваше на состанокот на бизнисмени по објавувањето на делумниот прекин на работата на економијата поради епидемијата на коронавирусот.