Рускиот претседател Владимир Путин денеска изјави дека Соединетите Американски Држави го ослободиле „џинот од шишето“ и дека владеењето со светот од еден центар ја поткопува неговата основа.
„Самите САД го пуштија џинот од шишето, но ако тоа е дозволено, зошто на другите земји не им е дозволено да ги штитат своите суштински интереси на ист начин?“, рече Путин на церемонијата на затворање на Светскиот младински фестивал што се одржува од 1 до 7 март во Сириус, пренесува РИА Новости.
Тој предупреди дека со светот не може да се управува од еден центар, бидејќи, како што наведе, тоа е штетно за самиот центар, бидејќи ги поткопува неговите темели.