Рускиот претседател Владимир Путин денес изјави дека треба да се посвети посебно внимание на нуклеарната тријада и дека таа останува гарант на суверенитетот на Русија, откако денес започна серија состаноци за анализа на клучните параметри на новата програма за државно вооружување на Русија.
Тој рече дека програмата за периодот од 2027 до 2036 година треба да постави насоки за формирање долгорочни планови за производство на одбранбената индустрија, и дека таа мора да биде поврзана во однос на роковите и активностите со програмата за развој на воено-индустрискиот комплекс, објави РИА Новости.
Путин рече дека Русија треба да ги земе предвид глобалните трендови во развојот на воените технологии, особено затоа што бројот на земји што активно работат во оваа насока расте.