Рускиот претседател Владимир Путин веројатно нема да се повлече од ултиматумот на американскиот претседател Доналд Трамп за воведување нови санкции врз Русија, кој истекува во петок и продолжува да бара целосно заземање на четири украински региони, соопштија денеска светските медиуми повикувајќи се на извори блиски до Кремљ.
Решителноста на Путин да продолжи понатаму е поттикната од неговото верување дека Русија победува и скептицизмот дека дополнителните санкции на САД ќе имаат значително влијание, објави Ројтерс.
Рускиот претседател не сака да го налути Трамп и разбира дека можеби пропушта можност да ги подобри односите со Вашингтон и Западот, но неговите воени цели имаат предност, изјавија двајца од изворите.