Рускиот претседател Владимир Путин најави дека ќе биде вакциниран против коронавирусот во вторник, пренесува „Спутник“.
„Вакцинацијата е доброволен избор на секоја личност. Планирам да се вакцинирам утре“, рече Путин, говорејќи на состанокот на кој се зборуваше за зголемување на производството на вакцини.
Портпаролот на Кремљ, Дмитриј Песков, изјави пред новинарите дека Путин ќе биде вакциниран со една од трите руски вакцини одобрени од властите, но тој не откри која ја одбрал.
Русија е првата земја во светот што регистрира вакцина против ковид во август минатата година.