Донесена е одлука за создавање безбедносна тампон-зона по должината на границата меѓу Русија и Украина, а руските вооружени сили во моментов го решаваат ова прашање, изјави рускиот претседател Владимир Путин.
Зборувајќи за неговата посета на Курската област и директниот дијалог со локалното население, Путин рече дека жителите на Курската област се соочуваат со отворени терористички акции од страна на украинските вооружени сили и странски платеници.
„Разговаравме за прашањата што најмногу ги засегаат луѓето – жителите на селата и градовите кои страдаа од гранатирање и борбени операции и од терористичките методи што ги користат украинските формации и странските платеници“, нагласи Путин.
Според него, методите што ги користат украинските вооружени сили и странските платеници се терористички.
