Рускиот претседател Владимир Путин изрази денеска сочувство до семејствата на загинатите во терористичкиот напад, кој беше извршен денеска во редакцијата на сатиричниот неделник „Шарли ебдо“ во Париз, изјави портпаролот на шефот на руската држава, Дмитриј Песков, додавајќи дека Кремљ остро го осудува нападот.
– Во врска со трагичниот инцидент во Париз, во кој како резултат на терористички напад загинаа голем број лица, претседателот Путин изрази длабоко сочувство со роднините и блиските на загинатите, а исто така и до сите жители на Париз и сите Французи, рече Песков.
– Москва одлучно го осудува тероризмот во сите негови форми, додаде тој.