Турскиот претседател Реџеп Таип Ердоган попладнево разговарал по телефон со рускиот претседател Владимир Путин за деталите во врска со смртта на амбасадорот на Русија во Турција.
Андреј Карлов, рускиот амбасадор, беше убиен денеска во Анкара од напаѓач што извикувал „Алаху акбар“ за време на посетата на уметничка галерија во Турција.
2016 година беше брутално крвава за Турција: се случија повеќе напади од ИСИС и од разни прокурдски групи, еден неуспешен воен удар, а сега и убиство на руски дипломат на турска почва.
Убиството се случи само еден ден пред лидерите на Русија, Иран и Сирија да се сретнат на закажаниот состанок во Москва. Беше планирано странските претставници и министрите за одбрана на земјите да разговараат за ситуацијата во Алепо и за иднината на Сирија.