Рускиот претседател Владимир Путин, за време на средбата со унгарскиот премиер Виктор Орбан, изрази подготвеност да се сретне со американскиот претседател Доналд Трамп во Унгарија, објави РИА Новости.
„Доколку нашите разговори доведат до тоа Будимпешта да биде платформа за преговори, би бил многу среќен за тоа и би сакал да ви се заблагодарам за вашата подготвеност да помогнете“, рече Путин.
Тој му рече и на Орбан дека американскиот претседател Доналд Трамп предложил самитот Русија-САД да се одржи во Будимпешта.
Тоа беше предлог на Доналд. Тој веднаш рече: „Имаме добри односи со Унгарија. Вие и Виктор имате добри односи, а и јас. Јас ја предлагам оваа опција“, рече рускиот претседател.
Трамп разговараше со Путин за прв пат по речиси два месеци на 16 октомври, по што објави дека планираат да одржат состанок во Будимпешта – што би било прво појавување на Путин во главниот град на земја-членка на ЕУ по војната и ќе бара од него да лета над територијата на други земји-членки.
Отфрлањето на моменталното примирје во Украина од страна на Русија фрли сомнеж врз планираната средба меѓу Трамп и Путин во Будимпешта.
Неименуван функционер од Белата куќа им изјави на новинарите дека САД повеќе не гледаат потреба од средба меѓу рускиот министер за надворешни работи Сергеј Лавров и американскиот државен секретар Марко Рубио, која беше планирана како дел од подготовките за самит на ниво на лидери.
Претседателот на САД, Доналд Трамп, на 23 ноември објави дека ја откажал планираната средба