Владимир Путин денеска изјави дека Русија мора да развие територии кои се богати со ресурси и во таа прилика особено го истакна Арктикот, каде има значителни резерви на минерали.
„Ако порано велеа дека Русија ќе расте со Сибир, сега можеме да кажеме дека Русија ќе расте со Арктикот, бидејќи таму ги имаме главните минерални ресурси. Развојот на овие ресурси е сè уште скап и не е лесен, но сепак се отвора огромни перспективи, рече Путин за време на говорот на Меѓународниот економски форум во Санкт Петербург (SPIEF).
Тој исто така посочи дека руската економија забрзано се развива и стапката на раст го надминува светскиот просек, како и дека уделот на рубљата во меѓународните трансакции на Русија расте и изнесува речиси 40 отсто, пренесува Комерсант.
По тој повод, рускиот претседател потсети на неодамна објавените податоци на Светска банка, според кои Русија е четврта најсилна економија во светот по паритетот на куповната моќ.
На 5 јуни во Русија започна Меѓународниот економски форум во Санкт Петербург под слоганот „Формирање нови области на раст како камен-темелник на мултиполарниот свет“. Форумот ќе трае до 8 јуни, а програмата вклучува повеќе од 150 тематски сесии на кои присуствуваат повеќе од 1.000 модератори и говорници.