Официјални лица во Луизијана обвинија 58-годишен маж дека пукал во група малолетници кои си играле криенка, повредувајќи 14-годишно девојче.
Инцидентот се случи во градот Старкс, Луизијана, во близина на државната граница на Тексас, објави Си-Ен-Ен.
Полицијата соопшти дека група малолетници „играле криенка во соседството и се криеле на имотот на соседот“ кога Дејвид В. Дојл пукаше од своето оружје.
Дојл им рече на инспекторите дека „ги гледал сенките надвор од својата куќа, а потоа влегол внатре и го зел оружјето“.
Потоа, како што изјави, се врати надвор и гледал како луѓе бегаат од неговиот имот, а потоа почнал да пука во нив, соопшти полицијата.
14-годишно девојче е застрелано во задниот дел од главата и е пренесено во болница со „повреди кои не се опасни по живот“, соопштија од полицијата.
Дојл е обвинет за тежок напад со огнено оружје и незаконско пуштање огнено оружје.