Три лица се ранети во пукотница што се случила во забавен парк во северниот дел на американскиот град Чикаго, пренесува АП. Луѓето беа повредени на паркингот на забавниот парк Six Flags Great America во неделата вечерта кога се пукаше од автомобил, изјави портпаролот на тематскиот парк.
Автомобилот од кој се пукало брзо побегнал.
Двајца од ранетите се пренесени во болница, додека третиот одбил хоспитализација.
Американката Лори Вокер и нејзината ќерка Грејс биле во паркот кога почнало пукањето.
Вокер за „VGN News“ изјавила дека двете чекале ред за билети околу 19:50 часот, кога забележала дека луѓето панично бегаат.
„Слушнав како некој вика: ‘Луѓе, легнете, легнете, некој пука’. Не знаевме што се случува, па легнавме на земја“, раскажува Вокер.
Вокер потоа го повикала сопругот и набрзо успеала да излезе од забавниот парк