Каталонскиот лидер Карлес Пучдемон изјави дека пребројувањето на гласовите од референдумот за независност ќе заврши до крајот на неделата и областа најверојатно ќе преземе акции во викендот или почетокот на следната недела.
Тој во интервју за Би-Би-Си изјави дека Каталонија ќе прогласи независност во следните неколку денови.
Шпанскиот крал Филип претходно нагласи дека актуелната ситуација во Каталонија е „многу сериозна“.
Два дена откако беше одржан неуставниот референдум за независност во Каталонија, шпанскиот крал наведе дека каталонските лидери ги прекршиле законите на земјата и покажале „недозволиво отсуство на лојалност“.
Тој исто така, констатираше дека „неодговорното однесување“ на каталонските лидери може да ја изложи на ризик економската стабилност на Шпанија.