Мексико на својата јужна граница распореди повеќе безбедносни сили како дел од обидот да се запре растечкиот број мигранти од Централна Америка да ја минуваат земјата и сакаат да стигнат до САД, изјави портпаролката на Белата куќа, Џен Псаки.
-Мексико на јужната граница распореди 10.000 војници, рече Псаки, пренесуваат британските медиуми.
Оваа бројка е поголема од бројката што Мексико претходно најави дека ќе ја распореди.
Британските медиуми во март јавија дека Мексико почна операции за запирање на мигрантите кои нелегално ја преминуваат границата на пат кон САД и дека ги засили силите долж границата со Гватемала.
Во операцијата учествуваат припадници на Националната гарда, милитаризирани полициски сили, заедно со војници и припадници на морнарицата и имиграциските службеници.
-Зголеменото распоредување на безбедносните сили на јужната граница на Мексико резултираше со двојно зголемување на запирањата на мигрантите, рече Псаки.