Во Иран за прв пат се откриени резерви на литиум, а во областа Хамедан, на западот на земјата, изјавата на Мохамад Хади Ахмади, функционер на Министерството за индустрија, рударство и трговија на заливската земја до државата телевизија, објави АФП. Според официјалните проценки на Техеран, резервите на локалитетот Хамедан се проценуваат на околу „8,5 милиони тони“.
Литиумот инаку е клучна компонента на батериите за електрични возила и електронски уреди, јавуваат иранските агенции. Овој бел метал е неопходна компонента и на батериите за полнење кои се користат во мобилните телефони и другите електронски уреди.Инаку, според извештајот на Геолошкиот институт на САД (USGS) објавен во 2022 година, идентификувани се вкупно 89 милиони тони литиум ширум светот.
Австралија, Чиле, Аргентина и Кина се главни производители. Минатата година, цените на литиумот вртоглаво пораснаа (над 100 проценти во еден момент) поради зголемувањето на цените на компонентите и општата инфлација, како и побарувачката за почисти патни средства ширум светот. Иран, чија економија е погодена од сериозни меѓународни санкции, особено оние наметнати од САД, има значителни резерви на природни ресурси, вклучувајќи гас, нафта, бакар и железо, потсетува француската агенција.
Во меѓувреме, од берзите за метали предупредуваат дека цените на литиумот на кинескиот пазар, а потоа и на берзите на метали во САД и Европа, се во забележителен пад, главно поради тековниот пад на побарувачката на полето на втора по големина економија во светот (на главните азиски пазари тие се движат соодветно, а цените меѓу 58 и 77 американски долари за килограм).