Сабах ел Сакари е првата жена во Египет, која се кандидира за лидер на Партија на слободата и правдата, формирана од Муслиманско братство, најмоќната исламистичка групација во земјата.
Сакари наведува дека сака да го зголеми учеството на жените во политиката, па дури и да го поддржи правото жените да се кандидираат за претседател на земјата.
Либералите, кои оценуваат дека владеењето на исламистите ги уназади женските права, тврдат дека нејзината кандидатура е обид на Муслиманско братство да го подобри својот имиџ.
Муслиманско братство ја формира Партија на слободата и правдата веднаш по соборувањето на египетскиот претседател Хосни Мубарак, во февруари минатата година. Партијата беше инструмент со чија помош Муслиманско братство, забрането за време на Мубарак, дојде на власт во Египет.