Ангелиха Ривера сопруга на мексиканскиот претседател, го стави на продажба својот приватен имот за четири милиони долари, за да прекинат контроверзиите дека таа не платила за имотот изграден од владин изведувач на работи.
Ривера на својата интернет-страница објави дека ја купила вилата со своја заштеда од времето кога била ѕвезда во телевизиски серии. Таа додаде дека во 2010 година пријавила приходи од речиси десет милиони долари и оти тогаш платила данок од три милиони долари.
Ривера наведува дека сака да ја продаде вилата бидејќи не сака тоа да биде изговор за навреди и клевети врз нејзиното семејство. Меѓутоа, Ривера не објаснува зошто куќата што ја изградила се уште е на владината фирма за изведување работи „Групо Хига“.