Иран воведе нов систем на субвенционирани цени на бензинот, објави АП, за прв пат од 2019 година, кога претходните зголемувања на цените предизвикаа смртоносни протести.
Од денеска возачите можат да добијат 60 литри гориво месечно по субвенционирана цена, додека потрошувачката над таа граница се наплаќа по повисоки стапки. Овој потег доаѓа во време кога Иран се соочува со девалвација на валутата и економски санкции, но цените на бензинот во земјата остануваат меѓу најниските во светот.
Протестите по последното значително зголемување на цените во 2019 година доведоа до насилно задушување на демонстрациите во кои, според извештаите, загинаа повеќе од 300 луѓе.