Во Брисел денеска ќе се одржи Министерски состанок на глобалната коалиција за борба против џихадистичката група Исламска држава (ИД), на кој е најавено учество на повеќе од 60 партнери.
Станува збор за прв собир на меѓународната коалиција на министерско ниво во организација на САД, со кој ќе преседава американскиот државен секретар Џон Кери.
Целта на состанокот е да се разгледаат политичките механизми и да се подобри координацијата на активностите на коалицијата во рамки на петте линии на дејствување во борбата против ИД.