Атмосферата во Велика Британија е мошне вжештена еден ден пред референдумот за независност на Шкотска.
Последниот ден од кампањата пред Шкотланѓаните да се упатат кон гласачките кутии, почна со објавување на речиси идентични податоци за расположението на граѓаните од различни анкети.
Истовремено три анкети покажаа дека мислењата се поделени речиси еднакво. Шкотската независност ја поддржуваат 48 отсто од анкетираните, а 52 отсто се против.
Одреден дел од гласачите, односно меѓу осум и 14 отсто од 4,3 милиони Шкотланѓани се уште не одлучиле како ќе гласаат.