Неколку илјади демонстранти го прекршија ветувањето дека нема да организираат собири во бразилската економска престолнина Сао Паоло за време на Светското првенство во фудбал и синоќа одржаа протест.
Движењето на бездомните работници ги блокираа главните сообраќајници во градот, барајќи побрзо одобрување на планот за изградба на станови по пониска цена.
Пред почетокот на Мундијалот ова движење постигна договор со властите дека нема да организира протести, но неговите членови одлучиле да протестираат бидејќи општинскиот совет се обидел да ги блокира правилата кои ќе обезбедат вакви живеалишта.
Во градот Порто Алегре, каде исто така се играат натпревари од шампионатот, демонстранти излегоа на улиците со барање за подобар транспорт. Полицијата употребила солзавец и шок бомби за да ги растера.