Лидерите на самопрогласените „Доњецка Народна Република“ и „Луганска Народна Република“ ја повикаа Организацијата за безбедност и соработка во Европа (ОБСЕ) да гарантира контрола за почитување на примирјето во источниот дел на Украина.
– Се надеваме дека ОБСЕ ќе обезбеди професионална меѓународна контрола за почитување на договорениот прекин на огнот, како и објективен мониторинг врз ситуацијата во Украина, се наведува во документот потпишан од лидерот на ДНР, Александар Захарченко и на ЛНР, Игор Плотницки.