Француската полиција во близина на границата со Швајцарија го пронајде златното јајце, кое пред четири години беше украдено во Женева.
Јајцето направено во стил на Фабержеовите јајца е пронајдено во автомобил марка „БМВ, управуван од двајца државјани на Белорусија кои веднаш се приведени.
Уште еден државјанин на Белорусија, кој живее во Швајцарија е притворен.
Приведените во текот на истрагата, потврдиле дека случајно го пронашле јајцето пренесе „Франс прес“, повикувајќи се на неименувани полициски извори.
Јајцето е направено од околу еден килограм злато, украсено со многубројни скапоцени каменчиња, а беше украдено 2009 година од една Кувајтска фирма во Женева.
Елена Георгиевска