Египетските власти денеска соопштија дека од водите на Средоземно Море извадени се вкупно 115 тела на мигранти, а стравуваат дека бројот на жртвите е поголем.
Бродот со кој се превезувале мигрантите се преврти во средата на 12 километри од градот Росета. Нивната крајна дестинација била Европа.
УНХЦР проценува дека на бродот имало околу 450 луѓе, а египетските медиуми објавија дека можно е да биле 600 мигранти.
Бродолломот го преживеаја околу 150 луѓе, најголем број државјани на Египет, а меѓу жртвите има многу жени и деца.