Благодарение на сведоштвата собрани преку двете спорни програми за собирање на податоци на Агенцијата за национална безбедност на САД, осуетени се терористички напади во повеќе од 20 други земји, соопштија високи претставници на американското разузнавање, цитирани од американските медиуми.
Во новата информација со симната тајност, што вчера му беше доставена на Конгресот и соопштена од Сенатската комисија за разузнавање, не се соопштуваат детали за терористичките заговори или за земјите против кои биле насочени.
Високи припадници на разузнавањето посочуваат дека минатата година биле проверени помалку од 300 телефонски броеви во база на податоци од милиони американски телефонски разговори, собирани секојдневно од АНС.
Согласно програмата, записите на разговорите можат да бидат проверувани само при претпоставка за врски со тероризам.
Познати станаа и други факти: дека судот FISA (Foreign Intelligence Surveillance Act /FISA/ Court) ги преразгледува двете програми за собирање на податоци на секои 90 дена, а собраните податоци треба да се уништуваат на секои пет години.