67 противници на хомосексуалните бракови во Франција се наоѓаат во притвор, откако беа уапсени изутринава околу 1 часот пред Националното собрание на Франција.
Синоќа четириесетина противници на „бракот за сите“ го чекаа министерот за внатрешни работи Мануел Валс и неговата сопруга на излезот од концертната сала „Плејел“ во Париз, јавија повеќе француски медиуми.
Демонстрацијата била организирана преку социјалната мрежа на интернет „Твитер“ со повик да се приреди „комитет за пречек“ на министерот.
Обезбедувањето на министерот морало да ги повика како засилување специјалните полициски сили, кои притоа уапсиле 14 лица.
Нацрт законот „брак за сите“ со кој се отвора можноста да се склучуваат бракови меѓу истополови двојки беше усвоен минатата недела во Сенатот, и сега повторно треба да се разгледува во Националното собрание на 23 април, а не во мај како што претходно беше утврдено.