Најмалку 26 припадници на авганистанските сили беа убиени рано утрово во напад извршен од талибанците врз воената база во провинцијата Кундуз, изјави официјален претставник.
Шефот на провинцискиот совет, Мохамед Јусуф Ајуби изјави дека се убиени најмалку 23 војници и тројца припадници на полициските сили.
Ајуби соопшти дека 12 војници биле ранети во нападот на базата на брегот на градот Кундуз, кој траел повеќе од два часа.
Тој информира дека нападот бил одбиен кога стигнале дополнителни сили во опколената база.
Портпаролот на талибанците Забихулах Муџахид ја презема одговорноста за нападот во Кундуз.