Претседателот на Замбија Едгар Лунгу денеска колабираше на подиум за време на прославата на межународниот Ден на жената во престолнината Лусака, само два месеца откако ја презеде должноста од својот претходник, кој почина.
Лунгу беше итно префрлен во воена болница, но неговата канцеларија подоцна издаде соопштение во кое се наведува дека има маларија и оти нема причина за загриженост.
– Се чувствувам многу подобро и ми рекоа дека треба да мирувам поради преголем замор, наведе Лунгу во соопштението.