Малезискиот премиер Наџиб Разак ја повика денеска Северна Кореја итно да ги ослободи сите малезиски државјани, откако Пјонгјанг им забрани да ја напуштат земјата.
– Ваквиот лош потег на држење на нашите државјани како заложници е целосно спротивно на меѓународното право и дипломатските норми, изјави Наџиб, додавајќи дека свикал итна седница на Националниот совет за безбедност.
Тој истакна дека побарал од полицијата да не му дозволува на ниту еден севернокорејски граѓанин да ја напушти Малезија, се додека не биде добиена потврда за гарантирање на безбедноста на Малезијците во Северна Кореја.
Според податоците на амбасадата на Малезија, во Северна Кореја се наоѓаат 11 малезиски државјани.
Дипломатскиот конфликт меѓу двете земји започна по убиството на полубратот на севернокорејскиот лидер на аеродромот во Куала Лумпур.