Финскиот премиер Јурки Катаинен денеска на конгресот на Коалициската партија во градот Лахти, изјави дека ја напушта лидерската функција во партијата и поднесува оставка како премиер.
Катаинен 10 години е на чело на Националната коалиција, а од 2011 година е премиер. Претходно тој истакна дека не планира да ја напушти „големата политика“. Катаинен е подготвен да стане член на Европската комисија, чиј нов состав ќе почне со работа од 1 ноември.
Конгресот продолжува утре, каде треба да се одбере нов претседател на партијата, кој ќе биде и идниот премиер. Анкетите покажуваат дека главен фаворит е министерот за европски прашања и надворешна трговија Александар Стуб.