Горниот дом на британскиот Парламент, Домот на лордовите, денеска го усвои Предлог-законот за легализација на хомосексуалните бракови.
При денешното гласање по законскиот текст приврзаниците на предлог-законот во Домот на лордовите носеа розови каранфили.
Сега законскиот предлог ќе биде препратен во Долниот дом на Парламентот, каде пратениците ќе треба да се изјаснат за владините амандмани.
Се очекува предлогот да биде усвоен без проблеми, бидејќи Долниот дом во претходната фаза го поддржа законот со 390 гласови „за“ и 148 „против“.
Предлог-законот ќе им овозможи на хомосексуалните двојки да склучуваат граѓански и црковни бракови во Англија и во Велс, иако Англиканската црква, која е поделана по тоа прашање, забранува венчевање ма истополови двојки.
Во моментот, истополовите двојки можат да формираат граѓанска заедница, која има слични права и одговорности како и брачната заедница.