Чешката полиција деновиве забележа единствен случај, кога еден 28-годишен маж пред да се самоубие се јавил во итна помош и изразил желба неговите органи да бидат искористени за трансплантација.
Настанот се случил во местото Простејов, во југоисточниот дел на земјата.
-Човекот со автомобил излегол надвор од градот и по телефон се јавил во итната помош. Непосредно пред доаѓањето на медицинската екипа на местото, тој се застрелал во главата. На местото оставил писмо до полицијата, изјави портпаролката на полицијата Марта Влахова.
Според неа, полицијата не памети сличен случај досега.
Лекарите од болницата во блискиот град Оломоуц каде бил пренесен мажот во тешка состојба и по извесно време починал, од етички причини не сакаат да коментираат дали желбата за дарување на неговите органи ќе биде исполнета.