Пратениците на владејачката ЦДУ/ЦСУ побараа лидерот на ЦДУ и демохристијански кандидат за германски канцелар, Армин Лачет, да поднесе оставка.
На виртуелната средба на парламентарниот клуб на ЦДУ/ЦСУ, пратеничката од ЦДУ од Дизелдорф, Силвија Пантел, упати апел до лидерот на ЦДУ, Лашет, да преземе одговорност и да се повлече доколку резултатите од анкетата на јавното мислење не се подобрат во следните две недели.
Според весникот „Билд“, Пантел го обвини Лашет за лошите резултати на ЦДУ/ЦСУ во претходните истражувања на јавното мнение, каде резјтинот на коалицијата паѓа.
-Подобро е брзо и безболно на тоа да се реагирате, отколку заедно да се удавите, рече таа.
Пратеникот на ЦДУ, Аксел Милер, ја поддржа својата колешка, забележувајќи дека со еден збор, ситуацијата е „катастрофална“. Лашет, кој, исто така, присуствуваше на витруелната седница, не одгов/ ори на барањата за оставка.
Место тоа, шефот на парламентарната група на Бундестагот, Ралф Бринкхаус, одржа говор во кој повика на единство во ЦДУ/ЦСУ, изјавувајќи дека демохристијаните ја имаат најдобрата програма за Германија, која сега треба офанзивно да им се пренесе на гласачите.
Според анкетата на телевизијата АРД, коалицијата ЦДУ/ЦСУ во моментов би освоила 30 проценти од гласовите, колку и растечката Социјалдемократска партија (СПД).
Имено, ЦДУ загуби пет проценти поддршка, додека СПД доби шест проценти од новите поддржувачи. Зелените би освоиле 15 проценти од гласовите, што е за еден процент помалку отколку во претходната анкета.