Египетскиот премиер Хишам Кандил успеа да го состави неговиот владин кабинет, објавија денеска египетските медиуми.
Според истите извори, досегашните министри за надвореешни работи и за финасии, Мохамед Камел Амр и Мимтаз Мохамед ел Сајед ќе ги задржат истите функции и во новата влада.
Директорот на египетската Агенција за инвестиции Осама Салех ќе биде нов министер за инвестиции, додека првиот човек на Египетскиот нафтен холдинг, Осама Камал ќе раководи со Министерството за нафта.
Новиот премиер Кандил е малку познат во египетската јавност. Тој како технократ и непартиски кандидат во досегашната Влада на Камал ел Ганзури беше министер за иригација и водни ресурси.
При неговото именување за мандатар за состав на новата влада Кандил најави дека при изборот на членовите на неговиот кабинет првенствено ќе се води од нивната стручност, а не од партиската припадност.