Исламските групи во Индонезија денеска организираа демонстрации пред Американската амбасада во Џакарта на кои палеа фотографии на американскиот претседател Доналд Трамп, како и американски и израелски знамиња.
Индонезија, земја со најголемо муслиманско население во светот, се приклучи на оние кои го осудија потегот на Трамп да го признае Ерусалим како главен град на Израел.
На протестот во Џакарта учествуваа стотици демонстранти, а полицијата постави барикади и бодликава жица околу Амбасадата.