Претставници на Русија, на Украина и на Организацијата за безбедност и соработка во Европа (ОБСЕ) синоќа во Минск постигнаа договор за повлекување на оружјето со калибар под 100 милиметри од линијата на фронтот.
Договорот е постигнат три дена пред закажаната средба в петок во Париз на лидерите на така наречената нормандиска група (Русија, Украина, Германија и Франција).
Повлекувањето на оружјето ќе почне на 2. октомври и ќе се одвива во две етапи. Лидерите на двете сепаратистички области до четврток треба да го потпишат документот, со кој се предвидува повлекување на оружјето под 100 милиметри на 15 километри од линијата на фронтот.
Оружјето со поголем калибар е повлечено согласно Договорот од Минск постигнат во февруари.