Шпанската полиција денеска соопшти дека 1.200 португалски ученици предизвикале материјална штета во вредност од десетици илјади евра, додека претстојувале во хотел на југоисточниот брег на таа држава.
Претставник на локалната полиција во Торемолинос изјави дека полицијата морала да интервенира во повеќе наврати во изминатите два дена во хотелот Пуебло Камино Реал, кој се наоѓа во близина на Малага.
Тој наведе дека хотелот пријавил штета од 50.000 евра во собите и останатите простории на хотелот.
Учениците биле на возраст помеѓу 14 и 19 години.