На средбата на врвот на Европската народна партија во Брисел попладнево зборуваше украинскиот претседател Петро Порошенко, јави ИТАР-ТАСС.
Порошенко пред претставниците на водечката политичка сила во ЕУ го претстави своето видување за кризата во Украина и патиштата за изнаоѓање излез од неа.
Меѓу учесниците на средбата на врвот на ЕНП, што го најавува самитот на ЕУ во Брисел, беа лидерите на Германија, Полска, Шпанија и Шведска. Присуствуваат и претседателот на ЕК Жозе Мануел Барозо, неговиот наследник Жан-Клод Јункер, министри од Белгија, Чешка и Италија, претседателот на Европскиот совет Херман ван Ромпуј.