Претседателот на Украина, Петро Порошенко објави дека е завршена 30-дневната воена состојба во земјата.
Тој оцени дека Украина за овој период ја зајакнала својата одбрана.
Воената состојба беше воведена минатиот месец, кога Русија заплени три украински воени брода во Црното Море. Во руско заробеништво остануваат 24 морнари на украинската воена морнарица. Инцидентот беше последната епизода на конфликтот меѓу двете земји кој почна во 2014 со руската анексија на црноморскиот полуостров Крим.