Украинскиот претседател Петро Порошенко почна „војна“ со корисниците на интернет во Русија кога на интернет постави лажна фотографија од списанието „Економист“ каде е прикажан тој, рамо до рамо, со другите светски лидери, на местото на Владимир Путин.
На насловната страница на списанието „Економист“, прикажан е светот и светските лидери во 2016 година, но Петро Порошенко ја замени годината и наместо 2016 година напиша 2017 година и „постави“ свој лик, наместо оној на Владимир Путин, меѓу индискиот премиер Нарендра Модији британскиот премиер Дејвид Камерон.
Порошенко ја твиташе верзијата за која подоцна се откри дека е подарок од неговата администрација, пренесува РТС.
– Некои подароци не ги прифаќам како комплимент, туку како лична одговорност, напиша Порошенко над поставената фотографија.
Овој потег на Порошенко покрена лавина коментари на интернет.