Нов претседател на Либерија ќе биде поранешниот фудбалер Жорж Веа, кој на претседателските избори беше кандидат на Конгресот за демократски промени, а на функцијата ќе ја замени досегашната претседателка Елен Џонсон Серлиф.
Веа во вториот круг од изборите го победи досегашниот потпретседател Жозеф Боакаи.
– Со длабоки емоции сакам да се заблагодарам на народот на Либерија, кој ме почести со денешното гласање. Ова е голема надеж за сите нас, напиша Веа на неговиот Твитер налог.
Жорж Веа е еден од најдобрите африкански фудбалери во историјата, а во 1995 година ја освои и Златната топка, како фудбалер на италијански Милан.