Поранешниот претседател на Грузија Михаил Сакашвили не прифатил да биде вицепремиер во владата на Украина, јави грузиската телевизија Рустави-2.
Телевизијата на сајтот објави изјава од Сакашвили кој во моментот е во Киев, дека се откажал од функцијата само заради Грузија.
Тој додава дека не е подготвен да се раздели со Грузијците во името на преземање функција и дека негов приоритет е Грузија и затоа не прифатил функција во Украина.
Неколку часа претходно, претставник на грузиското МНР изјави дека ако Сакашвили биде назначен на државна функција во Украина тоа нема да се одрази позитивно на односите меѓу двете држави.