Поранешниот полски претседател, Лех Валенса рече дека ќе го искритикува американскиот претседател Барак Обама кога ќе дојде во посета на Полска.
Како што пренесе „Асошиејтед прес“, Валенса рекол дека светот е неорганизиран и дека нема лидерство.
Поранешниот лидер на синдикалното движење „Солидарност“ најави дека во јуни во Варшава, во тек на средбата со Обама, по повод одбележување на 25- годишнината од падот на комунизмот во Полска, на американскиот претедател ќе му рече дека САД треба да го инспирира и охрабри светот со позитнивни акции.
-Ќе му речам, или бидете суперсила и водете не или предадете ја на Полска супер моќта и ние ќе знаеме што да правиме потоа, Амин – нагласи Валенса, кој е добитник на Нобеловата награда за мир.
Е. Г.