Поранешен полицаец, по кого словачката полиција трагаше под сомнение дека ги застрелал своите ќерки на возраст од 13 и 15 години и нивната 71-годишна тетка, денеска е пронајден мртов со прострелна рана во главата, јавија чешките медиуми.
Се претпоставува дека 49-годишниот Мартин Кањави самиот се застрелал.
Засега не се знае кога и зошто Кањави ги убил своите деца и нивната тетка која ги чувала.
Девојчињата беа пронајдени во понеделникот, откако нивни пријатели пријавиле дека не биле на училиште и дека не можат да ги најдат.
Кањави бил поранешен вработен во финансиската полиција и работното место морал да го напушти откако пред 10 години под неразсјаснети околности исчезнала неговата сопруга, чие тело до сега не е најдено.
Според словачките медиуми, поранешниот полицаец бил конфликтна личност и имал финансиски проблеми.