Меѓународниот Кривичен суд во Хаг го прогласи денеска за виновен поранешниот конгоански бунтовнички лидер Жан Пјер Бемба, за сторени воени злосторства во соседната Централно Африканска Република.
Според пресудата на хашкиот суд, Бемба е виновен затоа што не го запрел убивањето и силувањето што во соседната земја го извршувале припадниците на неговите бунтовнички единици кои претходно учествуваа во војувањето во ДР Конго.
Бемба има испратено повеќе од илјада свои војници во Централно Африканската Република, кои требаше да помогнат во спречувањето на подготвениот пуч.
Во текот на судскиот процес, беше утврдено дека Конгоанците од неговото Движење за ослободување на Конго, изврѓиле неколку стотци ликвидации и убиства на цивили, дека нападнале и силувале стотици жени, како и дека извршиле бројни грабежи.
Судот во Хаг определи тој да остане во притвор до изркеувањето на пресудат.
Ова е првпат, Меѓународниот кривичен суд (ИЦЦ) , процесот да го насочи врз сексуалното насилство, како оружје во една војна.
Едно време Бемба беше и потпретседател на Конго а пред тоа и помошник на поранешниот лидер Мобуту Сесе Секо.
По завршувањето на граѓанската војна во Конго, тој го остави оружјето и стана член на привремената конгоанска влада. Во 2006 година беше поразен на претседателските избори од Жозеф Кабила, по што ја напушти земјата и се насели во Белгија.
Во 2008 година беше уапсен и предаден на судот во Хаг.