Илјадници птици преселници останаа блокирани во Белорусија поради задоцнување на пролетта.
Експертите објаснуваат дека ладното време и студот ги спречија да го продолжат патот кон север.
Голем број птици е концентрирано во областа околу градот Брест, во близина на полската граница, изјави директорот на белоруската Организација за заштита на птиците, додавајќи дека нивната миграција веќе за три недели доцни.
-Птиците се групираат околу патиштата и населбите каде што на полесен начин доаѓаат до храна- наведе белорускиот експерт.
Тој истакна дека птиците веќе два пати тргнуваа на пат, но поради лошите временски услови беа приморани да се вратат назад.
-Не е ништо сериозно, интервенцијата на луѓето само би ја влошила состојбата-истакна Фенчук.
Белорусија и Русија оваа година имаа особено остра зима, поради што е одложено доаѓањето на пролетта, како и во поголемиот дел на Европа.
Елена Георгиевска